[资讯] AC米蘭「大地震」：加度素及李安納度同日離職 [7P]

意甲「米蘭雙雄」近年可謂同病相憐，齊齊「家道中落」，但國際米蘭早已重奪歐聯資格，而且根據《BBC》報導，國際米蘭仍然唔滿足於今季驚險取得前四嘅戰績，決定以干地代替史巴列堤領軍





另外更有傳聞指國米將會對現有陣容進行清洗，伊卡迪、佩列錫兩位球星可能會被賣走。另一邊廂，AC米蘭今季1分之差無緣前四，已連續6季未能取得歐聯資格，見到鄰居發奮圖強，AC米蘭都終於要「痛下殺手」。





2017年11月臨危受命，由U19教練轉任一隊主教練，代替被炒嘅蒙迪拿。加度素作為球會名宿，的確成功以「救火領隊」身份令球隊重新燃起鬥志，而AC米蘭經過多年動盪後，終於喺加度素帶領後穩定返落嚟。



不過，戰術部署、臨場調配等，似乎並非加度素所長，佢執教至今都喺呢兩方面為人詬病，可以話完全冇板斧，因此一直都有佢帥位不穩嘅傳聞。AC米蘭取得40勝22和20負，以一位初次「坐正」兼臨危受命嘅新手主帥嚟講，成績唔失禮，況且AC米蘭喺加度素執教前了無生氣、一盤散沙，到加度素執教後略有隊型，都係有目共睹。然而，社會就係殘酷，加度素係一個稱職嘅「救火領隊」，但唔係可以帶領AC米蘭更上一層樓嘅人，只可以話佢嘅歷史任務已經完成。